დაიბადა ქ. ბათუმში, 1990 წლის 16 ნოემბერს. დაამთავრა ქ. ბათუმის N5 საჯარო სკოლა, (პროფილური გიმნაზია). 2007 წელს ჩაირიცხა თბილისის სახელმწიფო სამედიცინო უნივერსიტეტში. უნივერსიტეტის დასრულების შემდგომ, რეზიდენტურა გაიარა კიევის შუპიკის სახელობის სახელმწიფო სამედიცინო აკადემიაში. კიევში ასევე გავლილი აქვს ენდოვასკულური ქირურგიის კურსი. საქართველოში დაბრუნების შემდეგ მუშაობა გააგრძელა ჯერ ქობულეთის სამედიცინო ცენტრში, შემდგომ ბათუმში. 2019 წელს გაიარა ენდოვასკულური ნეიროქირურგიის სასწავლო კურსი გერმანიაში, ქ. შტუტგარდში, რის შემდგომაც მნიშვნელოვნად გაფართოვდა ენდოვასკულური ოპერაციების არეალი. 2018 წლიდან ბექა გორგილაძის თანამონაწილეობით ურგენტული ოპერაციები პედიატრიულ ნეიროქირურგიაში, რამაც ათეულობით ბავშვის სიცოცხლე გადაარჩინა. 2026 წლისთვის, ბექა გორგილაძეს ჩატარებული აქვს 2100-ზე მეტი ნეიროქირურგიული ოპერაცია. 2021წლიდან დღემდე, არის ბათუმის საერთაშორისო ჰოსპიტალის ნეიროქირურგიის მიმართულების ხელმძღვანელი. ის მიწვევით ატარებს ენდოვასკულურ ოპერაციებს კლინიკა „მედცენტრში“ და პედიატრიულ ოპერაციებს ბათუმის იაშვილის სახელობის ბავშვთა კლინიკასა და ქალაქის კლინიკურ რესპუბლიკურ საავადმყოფოში. მისი დახმარებით ბათუმში ფუნქციონირებს ინსულტის მეორე დონის ორი ცენტრი, სადაც ხდება დასავლეთ საქართველოს და აფხაზეთის რეგიონის პაციენტების დიდი ნაწილის მკურნალობა. ბექა გორგილაძე მუდმივად გადის სტაჟირებას ევროპის სხვადასხვა ქვეყანაში.
რა არის კარგი ექიმი?
ექიმობა არ არის მხოლოდ სამსახური. ეს არის პროფესია, რომელიც მოითხოვს ექიმისგან საკუთარი სიცოცხლისა და ჯანრთელობის ხარჯზე, სხვა, სრულიად უცხო ადამიანებზე ზრუნვას.
რატომ აირჩიეთ მედიცინა?
არც კი მახსოვს როდის გადავწყვიტე ექიმობა, რადგან ბავშვობიდან მქონდა ამის სურვილი და არასდროს მიფიქრია სხვა პროფესიაზე.
ვინ არის თქვენი მისაბაძი?
მე მადლობელი ვარ ყველა იმ ადამიანის, ვინც ჩემს პროფესიონალად ჩამოყალიბებაში, თუნდაც მცირედი წვლილი შეიტანა.
რჩევა მომავალ ექიმებს
არაფერია იმაზე კარგი შეგრძნება, ვიდრე შენი ხალხის გვერდით დგომა, რაც გარკვეული დროის შემდეგ, ბუმერანგივით უკან გიბრუნდება დიდი სიყვარულით. ამიტომ წადი, ისწავლე და დაგვიბრუნდი.

- დაამთავრა ქ. ჩაირიცხა თბილისის სახელმწიფო სამედიცინო უნივერსიტეტში.
გაგუას კლინიკა



