ლალი ბუღაძე, Professor, MD

არის მაღალკვალიფიციური ექიმი, მედიცინის დოქტორი (MD, PhD), ალერგოლოგ- იმუნოლოგი, პედიატრი და პროფესორი. იგი დაიბადა 1974 წლის 2 ივლისს, საჩხერეში. 1993– 2000 წლებში სწავლობდა თბილისის სახელმწიფო სამედიცინო უნივერსიტეტის პედიატრიულ ფაკულტეტზე. 2003–2005 წლებში გაიარა პედიატრიის დიპლომისშემდგომი მომზადება სანქტ-პეტერბურგის სახელმწიფო პედიატრიულ სამედიცინო აკადემიაში, ხოლო 2005–2006 წლებში წარმატებით დაეუფლა ალერგოლოგიისა და კლინიკური იმუნოლოგიის სპეციალობას. იგი პროფესიულ პრაქტიკას მრავალი წლის განმავლობაში ეწევა. 2006–2025 წლებში მუშაობდა საჩხერის სამედიცინო ცენტრში ალერგოლოგად, ხოლო 2024 წლიდან დღემდე თოდუას კლინიკის ექიმი ალერგოლოგ-იმუნოლოგია. ლალი ბუღაძე გახლდათ 2022-2024 წლებში ამერიკული ჰოსპიტალის თბილისის ალერგოლოგ-იმუნოლოგი. პარალელურად, აქტიურადაა ჩართული აკადემიურ და სამეცნიერო საქმიანობაში — არის საქართველოს ეროვნული უნივერსიტეტის (SEU) ასოცირებული პროფესორი, Ken Walker International Universityის პროფესორი და SDASU-ს პროფესორი. 2019 წელს დაიცვა სადოქტორო დისერტაცია თემაზე „Vitamin D Level and Its Importance in Children with Bronchial Asthma“. გამოქვეყნებული აქვს მრავალი სამეცნიერო ნაშრომი საერთაშორისო და ადგილობრივ რეფერირებად ჟურნალებში. არის ისეთი ავტორიტეტული საერთაშორისო ორგანიზაციების აქტიური წევრი და მენტორი, როგორიცაა EAACI (ევროპის ალერგოლოგიისა და კლინიკური იმუნოლოგიის აკადემია). მონაწილეობს მრავალ საერთაშორისო კონგრესსა და სამეცნიერო პროექტში (მათ შორის BIOLAO, BEE-CARE და AllergoOncology). ლალი ბუღაძე აქტიურად მონაწილეობს საერთაშორისო კონგრესებში, სადაც წარადგენს საკუთარ ნაშრომებს.

რა არის კარგი ექიმი?
გულისხმიერი და პროფესიონალი ექიმობა მხოლოდ ცოდნასა და მაღალ კვალიფიკაციას არ ეფუძნება. ექიმს პირველ რიგში სჭირდება თანაგრძნობა, პასუხისმგებლობის მაღალი გრძნობა და პაციენტის მოსმენის უნარი. პროფესიონალი ექიმისთვის აუცილებელია მუდმივი განვითარება, კრიტიკული აზროვნება და გადაწყვეტილებებისადმი პასუხისმგებლიანი მიდგომა. ასევე მნიშვნელოვანია პატიოსნება, გუნდური მუშაობის უნარი და ემოციური სიმტკიცე.

რატომ აირჩიეთ მედიცინა?
ჩემი არჩევანი ექიმობის გზაზე ერთი კონკრეტული მოვლენით არ დაწყებულა — ეს სურვილი ბავშვობიდან მომყვება. როგორც კი ლაპარაკი დავიწყე, ხშირად ვამბობდი, რომ მინდოდა ექიმი გავმხდარიყავი. რა თქმა უნდა, ამ სურვილის ჩამოყალიბებაში დიდი როლი დედამ ითამაშა, რომელმაც ბავშვობიდანვე მასწავლა ადამიანების დახმარების, თანადგომისა და ზრუნვის მნიშვნელობა.

ვინ არის თქვენი მისაბაძი?
ჩემი ცხოვრების მთავარი ადამიანები და მაგალითები ჩემი მშობლები არიან.

რჩევა მომავალ ექიმებს
მომავალ ექიმებს ვეტყოდი, რომ ექიმობა მხოლოდ პროფესია არ არის — ეს არის დიდი პასუხისმგებლობა და ადამიანების მსახურება.

• სწავლობდა თბილისის სახელმწიფო სამედიცინო უნივერსიტეტის პედიატრიულ ფაკულტეტზე.