Verified
მირანდა შერვაშიძე, Professor, MD
დაიბადა 1978 წლის 16 იანვარს, ქალაქ ბათუმში. 1995 წელს წარჩინებით დაამთავრა ბათუმის №2 საჯარო სკოლა. იმავე წელს სწავლა განაგრძო თბილისის სახელმწიფო სამედიცინო უნივერსიტეტის პედიატრიის ფაკულტეტზე, რომელიც წარმატებით დაასრულა 2002 წელს და მიენიჭა დიპლომირებული მედიკოსის კვალიფიკაცია. 2003–2006 წლებში პროფესიულ მომზადებას გადიოდა ირაკლი ფაღავას სახელობის პედიატრიის სამეცნიერო-კვლევით ინსტიტუტში, ხოლო 2004–2006 წლებში იყო თბილისის ივანე ჯავახიშვილის სახელობის სახელმწიფო უნივერსიტეტის ასპირანტი. 2008 წელს მიენიჭა მედიცინის აკადემიური დოქტორის ხარისხი. ის ფლობს სახელმწიფო სერტიფიკატებს ზოგად პედიატრიასა და ბავშვთა კარდიო- რევმატოლოგიაში. მირანდა შერვაშიძეს აქვს მრავალწლიანი ნაყოფიერი საექიმო და პედაგოგიური გამოცდილება. 2007 წლიდან დღემდე იგი საქმიანობს მ. იაშვილის სახელობის ბათუმის დედათა და ბავშვთა ჯანმრთელობის დაცვის რესპუბლიკურ ცენტრში ექიმ-პედიატრად, კარდიო-რევმატოლოგად და კარდიოექოსკოპისტად. ქ. მირანდა წლების განმავლობაში კონსულტანტად და ექიმ-სპეციალისტად თანამშრომლობდა რეგიონის წამყვან სამედიცინო დაწესებულებებთან, მათ შორის „მედინას“, „ევექსის“, ირის ბორჩაშვილისა და ხოზრევანიძის კლინიკებთან. პარალელურად, აქტიურად ეწევა აკადემიურ საქმიანობას. 2009–2021 წლებში იყო ბათუმის შოთა რუსთაველის სახელმწიფო უნივერსიტეტის კლინიკური მედიცინის დეპარტამენტის უფროსი მასწავლებელი, ხოლო 2021 წლიდან არის ამავე უნივერსიტეტის ასისტენტ-პროფესორი ინგლისურენოვან პროგრამაზე. 2022 წლიდან ასევე იკავებს ასოცირებული პროფესორის პოზიციას ბათუმის სამედიცინო უნივერსიტეტ „ავიცენაში“. მისი სამეცნიერო და პრაქტიკული ინტერესების მთავარ სფეროებს წარმოადგენს პედიატრია, კარდიო-რევმატოლოგია და ნეონატოლოგია. ის აქტიურადაა ჩართული საერთაშორისო და ადგილობრივ პროფესიულ გაერთიანებებში. არის: ევროპის რესპირაციული ასოციაციის წევრი, ევროპის ბავშვთა ინფექციური დაავადებების ასოციაციის წევრი, საქართველოს რესპირაციული ასოციაციის წევრი, საქართველოს ნეონატოლოგიური ასოციაციის წევრი და საქართველოს ბავშვთა კარდიო-რევმატოლოგიური ასოციაციის წევრი. ჰყავს მეუღლე — გოდერძი პაპუნაშვილი და ორი ვაჟი: ნიკოლოზი და რეზი.
რა არის კარგი ექიმი?
ექიმს სჭირდება ადამიანების სიყვარული, ემპათია, მოთმინება და პასუხისმგებლობა. მხოლოდ ცოდნა საკმარისი არ არის - პაციენტმა უნდა იგრძნოს ყურადღება და თანაგრძნობა.
რატომ აირჩიეთ მედიცინა?
ექიმობა ჩემთვის ყოველთვის ადამიანების დახმარებასთან ასოცირდებოდა.
ვინ არის თქვენი მისაბაძი?
ჩემი იდეალი არის ექიმი, რომელიც პროფესიონალიზმსა და ადამიანურობას აერთიანებს.
რჩევა მომავალ ექიმებს
ჩემს სტუდენტებს ხშირად ვეუბნები: ექიმობა მხოლოდ დიპლომი და თეთრი ხალათი არ არის - ეს არის შრომა, მოთმინება, მუდმივი სწავლა და სიყვარული.

- დაამთავრა ბათუმის №2 საჯარო სკოლა. დაასრულა 2002 წელს და მიენიჭა დიპლომირებული მედიკოსის კვალიფიკაცია.
მედცენტრი
This professional is also listed in the Georgian medical directory SheniEkimi.ge — specialty, workplace, contacts and appointment request in Georgian.
Open on SheniEkimi.ge (ქართულად)
